Elvin Shiriyev – Texnologiya və Dizayn üzrə Mütəxəssis

Veb dizayn sahəsində fəaliyyətimə 2011-ci ildə başladım. İlk mərhələdə internet üzərindən apardığım araşdırmalar vasitəsilə HTML və statik veb saytların yaradılma prinsiplərini öyrəndim. Bu maraq məni şəxsi layihəmi qurmağa təşviq etdi və nəticədə bakufix.com domeni ilə ilk əyləncə portalımı yaratdım. Bu layihə vasitəsilə həm HTML, həm də SQL üzrə əsas bilikləri praktiki olaraq tətbiq etməyə başladım. Veb texnologiyaların sürətlə inkişaf etdiyini görərək, daim öz bilik və bacarıqlarımı təkmilləşdirmək məqsədilə WordPress, HTML, PHP, Java kimi sahələrdə dərindən öyrənməyə başladım. Eyni zamanda, kontent istehsalı və dizayn sahəsində də inkişaf etmək üçün müxtəlif qrafik və media redaktə proqramlarını mənimsədim. Fəaliyyətim müddətində müxtəlif sektorlar üzrə – o cümlədən Nar Mobile, CTV, Energetika kimi müəssisələrdə çalışaraq təcrübə qazandım. 2012-ci ildə isə ilk şəxsi təşəbbüsüm olan DenizDesign veb studiyasını təsis etdim. Burada müxtəlif bizneslər üçün funksional, modern və istifadəçi yönümlü veb saytlar hazırlamağa başladım. 2020-ci ilin avqust ayında, rəqəmsal xidmətləri daha geniş şəkildə təqdim etmək məqsədilə DenizHost adlı hosting şirkətini rəsmi olaraq təsis etdim və müvafiq lisenziya alaraq fəaliyyətə başladım. Bu illər ərzində onlarla fərqli sektorda fəaliyyət göstərən tanınmış şirkətlər üçün veb həllər təqdim etmişəm. Hal-hazırda isə yeni layihəm olan Laylo.az – pulsuz elanlar platformasını istifadəyə vermişəm. Məqsədim, şirkətlərin onlayn mövcudluğunu gücləndirmək, satış potensialını artırmaq və brendlərinin rəqəmsal dünyada tanınmasına töhfə verməkdir. Müştərilərimin biznes məqsədlərinə çatmaları üçün müasir texnologiyalardan və kreativ yanaşmadan istifadə edərək fərdi yanaşmalar təqdim edirəm.